Ný sería um hin vinsæla Fílsa. Í þessu þáttum fylgjumst við með Fílsa og litlu börnunum kynnast hinum ýmsu dýrum og leika sér saman.

Þriðja þáttaröðin um vinalega hundinn Sám og krílin sem vinna sér inn merki á leikskólanum hans.

Teiknimyndaþættir fyrir börn byggðir á samnefndri breskri barnabók frá árinu 1994 eftir Sam McBratney, með myndskreytingum eftir Anitu Jeram. Bókin hefur verið gefin út á yfir 53 tungumálum og selst í yfir 28 milljónum eintaka.

Krúttlegir og vinalegir þættir fyrir þau allra yngstu. Molang er búttaður lítill „kanínugrís“. Hún er sérvitur, glaðvær og áhugasöm. Besti vinur hennar er litli hænuunginn Piu Piu. Molang er kóresk teiknimyndapersóna og afskaplega vinsæl í heimalandinu.

Fjólublái fíllinn Fílsi lærir ýmislegt um allskonar mismunandi vélar.

Flóra er níu ára og finnur gat í limgerðinu úti í garði. Hún skríður í gegn og er skyndilega stödd í skóginum endalausa – galdraheimi þar sem allt getur gerst. Þar ráfa um skrítnar og stórkostlegar verur. Þær lenda í ýmiss konar vandræðum og enginn getur hjálpað þeim – nema kannski Flóra sjálf?

Vinirnir Begga og Fress leika sér að tölum og leysa saman ýmsar þrautir og gátur.

Danni tígur er þáttaröð sem kennir börnum að túlka tilfinningar sínar. Hvenær upplifa þau sorg, reiði og hvenær eru þau þakklát. Danni notar tónlist og syngur um það sem hann upplifir sem leyfir börnum að tileinka sér það frekar. Þátturinn er ætlaður leikskólabörnum og kennir tilfinningagreind og sjálfsvirðingu sem og virðingu fyrir öðrum.

Litlu lundasystkinin Úna og Bubbi búa á eyjunni Lundakletti. Þau lenda sífellt í nýjum ævintýrum með vinum sínum.

Önnur þáttaröð af Monsunum Kára, Villa og Hönnu sem lenda í alls kyns ævintýrum og þurfa að standa saman til að takast á við illmennið Ívar.

Stærðfræðiofurhetjurnar Millý, Geó og Bói hjálpa krökkum að læra tölur, form og mynstur.

Jojo er alveg að verða fimm ára. Hún er svo heppin að búa í nágrenni við ömmu sína. Saman bralla þær ýmislegt

Í þessari seríu fylgjumst við með hetjunni Bjössa brunabangsa, sem elskar að keyra slökkviliðsbíl og slökkva elda. Á hverjum einasta degi leysir hann spennandi verkefni með hjálp frá samstarfsfólki sínu.

Töfratú er fantasíuland dásamlegra álfa og hafmeyja þar sem raunveruleg viðfangsefni á borð við systkinaerjur, sanngirni og sjálfstraust eru könnuð nánar.

Lærið um tölustafina með Tölukubbunum! Talan Einn kynnir sig.

Ástsælu Múmínálfar Tove Jansson snúa aftur og lenda í alls kyns skemmtilegum ævintýrum.

Jasmín og Jómbi eru góðir vinir sem elska tónlist og njóta tónanna sem óma um Hljómbæ.

Þáttaröð frá 2015 úr smiðju Ævars vísindamanns. Í þessari þáttaröð leggur Ævar allt undir. Laufblásara-knúin svifbretti, segulskór og skordýrahamborgari eru bara nokkrar af þeim æsispennandi tilraunum sem koma fyrir. Dagskrárgerð: Ævar Þór Benediktsson og Eggert Gunnarsson Í þessum þætti skoðar Ævar mistök, sem bæði geta verið af hinu góða og eins haft hræðilegar afleiðingar í för með sér.

Sænskir matreiðsluþættir með vinkonunum Karoline og Elenore þar sem þær elda spennandi og gómsæta grænkerarétti úti í guðsgrænni náttúrunni.

Gísli Marteinn tekur á móti góðum gestum á föstudagskvöldum í vetur og fer með þeim yfir helstu atburði vikunnar í stjórnmálum, menningu og mannlífi. Persónur og leikendur koma í spjall og brakandi fersk tónlistaratriði koma landsmönnum í helgarstemninguna. Stjórn útsendingar: Ragnar Eyþórsson. Gestir þáttarins eru Birna Rún Eiríksdóttir, Edda Björgvinsdóttir og Freyr Eyjólfsson. Friðrik Ómar og Guðrún Gunnars brjóta upp þáttinn með þorrablóti og laginu Ég skemmti mér. Berglind Festival fjallar um topp tíu merkilegustu hluti sem karlar hafa gert, í tilefni bóndadagsins. Tatjana og Birnir enda þáttinn á laginu Efsta hæð.

Menningarþættir fyrir ungt fólk frá 2002-2003. Í þáttunum er m.a. fjallað um tónlist og mannlíf, kynntar ýmsar starfsgreinar og fastir liðir eins og dót og vefsíða vikunnar verða á sínum stað. Umsjón: Sigrún Ósk Kristjánsdóttir og Vilhelm Anton Jónsson. Dagskrárgerð: Helgi Jóhannesson og Hjördís Unnur Másdóttir.

Helstu fréttir dagsins af innlendum og erlendum vettvangi. Alla daga, árið um kring. Friðarviðræður í Abu Dhabi

Útsendingar frá árlegu alþjóðlegu íþróttamóti í Reykjavík. Keppni í frjálsíþróttum á Reykjarvíkurleikunum.

Þáttaröð í umsjón Egils Helgasonar þar sem saga Siglufjarðar er rakin. Bærinn var lengi utan alfaraleiðar en vegna mikils uppgangs á 20. öld varð hann þungamiðja síldveiða sem um skeið voru arðvænlegasta atvinnugrein á Íslandi. Í þáttunum er einnig sagt frá skemmtanalífi, rómantík, slagsmálum, tónlist, skíðaiðkun og einstökum bæjarbrag. Dagskrárgerð: Ragnheiður Thorsteinsson. Í fyrsta þætti Siglufjarðar - sögu bæjar segir frá afskekktri byggð, umkringdri háum fjöllum, sem var lengi utan alfaraleiðar. Hákarlaveiðar voru ein helsta atvinnugreinin í bænum þar til Norðmenn komu í byrjun 20. aldar og gerðu staðinn að höfuðstöðvum síldveiða við Norðurland. Þá hófst mikill uppgangur, fólk dreif að og sagt var að Siglufjörður hefði á sér yfirbragð gullgrafarabæjar. Það spunnust sögur um drykkjuskap og syndugt líferni. Það var einnig mikill trúarhiti á staðnum.

Franskir heimildarþættir frá 2021. Fylgst er með fimm ljósmyndurum sem hafa tengst samfélögunum sem þau mynda sterkum tilfinningaböndum síðustu áratugi.

Norsk heimildarþáttaröð um ungt fólk og óvenjulega íþróttir sem það stundar. Boltaíþrótt í sundlaug þar sem markið er á botninum og boltinn er fylltur með saltvatni og flýtur því ekki upp.

Stuttir þættir um sögurnar á bak við áhugaverðar ljósmyndir. Í hverjum þætti er fjallað um eina ljósmynd og sögu hennar – hvað var að gerast þegar myndin var tekin, hverjar voru aðstæður fólksins á ljósmyndinni og hvert er samhengið við nútímann? Leikstjóri: Þorsteinn J. Framleiðsla: Þetta líf, þetta líf. Á ljósmyndinni sem fjallað er um sjást tveir bændur kyssast á munninn í leitum árið 1948. Þetta var siður gangnaforingja og var kallað stórkoss. Barnabörn mannanna tveggja, þau Ólöf Sigurðardóttir og Jón Gíslason, segja frá öfum sínum.

Leikir á EM karla í handbolta. Leikur Spánar og Danmerkur í milliriðli á EM karla í handbolta.

Egill Helgason tengir bækur við ýmsa staði á landinu.

Lottó-útdráttur vikunnar.

Helstu fréttir dagsins af innlendum og erlendum vettvangi. Alla daga, árið um kring.

Íþróttafréttir.

Veðurfréttir.

Útsendingar frá árlegu alþjóðlegu íþróttamóti í Reykjavík. Keppni í dansi á Reykjarvíkurleikunum.

Nýir breskir spennuþættir. Sherlock Holmes rannsakar alþjóðlegt glæpasamsæri og nýtur liðsinnis Ameliu, ungrar bandarískrar konu sem leitar bæði að föður sínum og morðingja móður sinnar. Aðalhlutverk: David Thewlis, Blu Hunt og Ardal O‘Hanlon.

Bresk gamanmynd frá 1986 með John Cleese í hlutverki sjúklega stundvíss skólastjóra sem fær boð um að halda fyrirlestur á árlegri ráðstefnu skólastjóra. Þegar hann missir af lestinni á leiðinni á ráðstefnuna fer allt í skrúfuna. Leikstjóri: Christopher Morahan. Meðal leikenda eru: Penny Leatherbarrow, Howard Lloyd-Lewis og Jonathan Bowater.

Bresk sakamálamynd byggð á sögu eftir Caroline Graham þar sem Barnaby lögreglufulltrúi glímir við morðgátur í ensku þorpi. Meðal leikenda eru Neil Dudgeon og Nick Hendrix. Myndin er ekki við hæfi barna yngri en 12 ára.