Góð ráð og æfingar sem tilvalið er að gera heima. Íris Rut Garðarsdóttir sjúkraþjálfari hefur umsjón með leikfiminni. e.

Sænskur heimildarþáttur um hármissi hjá karlmönnum. Í þættinum ræða fjórir karlmenn um sorgina sem þeir fylltust þegar þeir áttuðu sig á því að þeir væru að missa hárið. e.

Þættir úr safni Sjónvarps. e.

Bein útsending frá leik Rússlands og Spánar á EM karla í handbolta.

Önnur þáttaröð Útsvars frá vetrinum 2008-2009 þar sem 24 stærstu bæjarfélög landsins keppa sín á milli í skemmtilegum spurningaleik. Sigmar Guðmundsson og Þóra Arnórsdóttir stýra þættinum. Dómari og spurningahöfundur er Ólafur Bjarni Guðnason. Útsendingu stjórnar Helgi Jóhannesson. e.

Þættir frá 2002-2003 þar sem fjallað er um menningu og listir, brugðið upp svipmyndum af listafólki, sagt frá viðburðum líðandi stunda og farið ofan í saumana á straumum og stefnum. Umsjón: Jónatan Garðarsson. Dagskrárgerð: Jón Egill Bergþórsson og Þiðrik Ch. Emilsson. e.

Íslensk hljómsveit flytur nokkur frumsamin lög auk þess sem spjallað er lítillega við hljómsveitarmeðlimi. Kynnir í þáttunum er Magga Stína og um dagskrárgerð sjá Helgi Jóhannesson og Hjördís Unnur Másdóttir. Þættir frá 2005. e.

Farið er yfir merkilega sögu náttúrulífsmyndateymis breska ríkissjónvarpsins sem starfað hefur í sextíu ár. e.

Hugrökk stelpa bjargar apakónginum, guði sem hafði lengi verið fastur í steini, og leggst í för til að finna sjö heilög handrit og bjarga heiminum frá illu.

Við höldum áfram að kynnast matarmenningu heimsins. Fleiri krakkar fá vini sína í heimsókn og elda fyrir þá mat frá heimalandi sínu. e.

Í þáttunum Húllumhæ er menning og fjör í forgrunni. Við förum í leikhús, hlustum á tónlist, rýnum í bækur og sjáum hvað unga fólkið í landinu er að fást við. Þáttastjórnendur eru Iðunn Ösp Hlynsdóttir og Árni Beinteinn.

Íslensk tónlistarmyndbönd alla virka daga fyrir fréttir.

Helstu fréttir dagsins af innlendum og erlendum vettvangi. Alla daga, árið um kring.

Íþróttafréttir.

Veðurfréttir.

Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Baldvin Þór Bergsson, Bergsteinn Sigurðsson, Chanel Björk Sturludóttir, Guðrún Sóley Gestsdóttir og Sigríður Hagalín Björnsdóttir.

Grínsketsaþættir þar sem samskipti, íslensk menning, samfélagsmiðlar og allt sem er mannlegt er skoðað í kómísku ljósi. Handrit, aðalhlutverk og leikstjórn er í höndum Kanarí-hópsins, sem samanstendur af nýrri kynslóð grínista sem hafa gert það gott með leiksýningu og sjónvarpssketsum síðustu misseri.

Gísli Marteinn tekur á móti góðum gestum á föstudagskvöldum í vetur og fer með þeim yfir helstu atburði vikunnar í stjórnmálum, menningu og mannlífi. Persónur og leikendur koma í spjall og brakandi fersk tónlistaratriði koma landsmönnum í helgarstemninguna. Stjórn útsendingar: Ragnar Eyþórsson.

Breskur sakamálaþáttur um hinn slungna séra Brown sem er ekki bara kaþólskur prestur heldur leysir glæpsamleg mál á milli kirkjuathafna. Aðalhlutverk: Mark Williams.

Þýsk glæpamynd frá 2018 um lögregluteymið Violu og Butsch sem rannsakar morð á hóteleiganda. Þau komast fljótlega að því að fjölskylda hins myrta er ekki öll þar sem hún er séð. Leikstjóri: Till Franzen. Aðalhlutverk: Yvonne Catterfeld, Götz Schubert og Jan Dose. Atriði í myndinni eru ekki við hæfi ungra barna.

Kvikmynd frá 2014 um þrjú ungmenni sem flýja meðferðarheimili sem þau dvelja á og leggja af stað í leiðangur til að dreifa ösku nýlátinnar móður eins þeirra á haf út. Leikstjóri: Gren Wells. Aðalhlutverk: Robert Sheehan, Dev Patel og Zoë Kravitz. Atriði í myndinni eru ekki við hæfi ungra barna. e.