Góð ráð og æfingar sem tilvalið er að gera heima. Íris Rut Garðarsdóttir sjúkraþjálfari hefur umsjón með leikfiminni. e.

Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Baldvin Þór Bergsson, Bergsteinn Sigurðsson, Chanel Björk Sturludóttir, Guðrún Sóley Gestsdóttir, Sigríður Dögg Auðunsdótti og Sigríður Halldórsdóttir. e.

Meistarakokkurinn Hrefna Sætran býður landsmönnum heim til sín á pallinn í Litla-Skerjafirði. Þar ætlar hún að grilla gómsæta rétti sem auðvelt er að útbúa. Nautakjöt, fiskur, lambakjöt, grænmeti, kjúklingur, svínakjöt og ávextir verða í aðalhlutverki í þessum sólríka og skemmtilega grillþætti. e. Dagskrárgerð: Kristófer Dignus. Framleiðandi: Stórveldið.

Ómar Ragnarsson stiklar um landið, skoðar hrífandi landslagið og ræðir við áhugavert fólk. e.

Ellefta þáttaröð þessara margverðlaunuðu þátta sem vakið hafa athygli fyrir nýstárleg og frumleg efnistök. Fólk með þroskahömlun vinnur þættina með fagfólki í sjónvarpsgerð og miðlar þannig fjölbreytileika íslensks samfélags. Dagskrárgerð: Elín Sveinsdóttir. e.

Skemmtiþættir frá 1990 þar sem Spaugstofumenn fást við fréttir líðandi stundar. Leikstjóri: Karl Ágúst Úlfsson. Dagskrárgerð: Tage Ammendrup. e.

Dönsk matreiðsluþáttaröð. Mette Blomsterberg reiðir fram kræsingar sem henta vel á sumrin. e.

Egill Helgason tengir bækur við ýmsa staði á landinu. e.

Bein útsending frá HM í sundi í Ungverjalandi.

Stutt umfjöllun Sumarlandans sem verður á flakki í sumar og hittir landann fyrir í sínu náttúrulega umhverfi, uppi á fjöllum, úti í garði, inni í skógi og allt um kring. Umsjón: Gísli Einarsson, Guðríður Helgadóttir, Hafsteinn Vilhelmsson, Elsa María Guðlaugs-Drífudóttir, Þórgunnur Oddsdóttir, Sigrún Hermannsdóttir og Helga Margrét Höskuldsdóttir. e.

Tvíburarnir Dr. Chris og Dr. Xand kynna nokkrar sturlaðar staðreyndir um mannslíkamann og gera skemmtilegar lífræðilegar tilraunir.

Telma á erfitt með að umgangast hina krakkana í bekknum sínum. Einn daginn kynnist hún nýjum strák á bókasafninu sem er líka útundan eins og hún, drauginum Konráð. Höfundur: Urður Eir Baldursdóttir, 9 ára Leikstjórn og framleiðsla: Bergur Árnason

Ylfa og Máni mæta aftur í Matargatið og útbúa að þessu sinni pizzaveislu. Ylfa útbýr pizzu með mozarella á meðan Máni setur allskonar kjötálegg á sína pizzu. e.

Íslensk tónlistarmyndbönd alla virka daga fyrir fréttir.

Helstu fréttir dagsins af innlendum og erlendum vettvangi. Alla daga, árið um kring.

Íþróttafréttir.

Veðurfréttir.

Stutt umfjöllun Sumarlandans sem verður á flakki í sumar og hittir landann fyrir í sínu náttúrulega umhverfi, uppi á fjöllum, úti í garði, inni í skógi og allt um kring. Umsjón: Gísli Einarsson, Guðríður Helgadóttir, Hafsteinn Vilhelmsson, Elsa María Guðlaugs-Drífudóttir, Þórgunnur Oddsdóttir, Sigrún Hermannsdóttir og Helga Margrét Höskuldsdóttir.

EM kvenna í fótbolta fer fram á Englandi í júlí og þar verður íslenska landsliðið - stelpurnar okkar. Í þáttunum hita hraðfréttadrengirnir Benedikt og Fannar upp fyrir mótið, hitta leikmenn landsliðsins og fá innsýn í líf þeirra innan og utan vallarins.

Bresk þáttaröð um dýralæknastofu í Yorkshire á fjórða áratugnum. Þættirnir byggjast á bókum eftir Alf Wight sem skrifaði undir nafninu James Herriot. Aðalhlutverk: Nicholas Ralph, Anna Madeley og Samuel West.

Frönsk gamanmynd frá 2018 um Neuville herforingja og unnustu hans, Pauline. Þegar stríð brýst út í Frakklandi árið 1809 og Neuville er kallaður til skyldunnar skilur hann Pauline eftir í sárum. Systir hennar tekur upp á því að skrifa henni bréf í nafni Neuvilles til að gleðja hana, en þegar herforinginn snýr aftur úr stríðinu er fjandinn laus. Leikstjóri: Laurent Tirard. Aðalhlutverk: Jean Dujardin, Mélanie Laurent og Noémie Merlant. e.

Bresk sakamálamynd byggð á sögu eftir Ann Cleeves um Veru Stanhope rannsóknarlögreglukonu á Norðymbralandi. Með aðalhlutverk fara Brenda Blethyn og David Leon. Atriði í myndinni eru ekki við hæfi ungra barna.

Leikin íslensk þáttaröð í sex hlutum í leikstjórn Ragnars Bragasonar. Líf Lindu og fjölskyldu hennar umturnast þegar hún er færð í kvennafangelsið í Kópavogi eftir að hafa ráðist á föður sinn, þekktan mann úr viðskiptalífinu. Í fangelsinu hittir Linda fyrir aðrar konur sem hafa farið út af sporinu og myndar sambönd sem hafa örlagarík áhrif á líf hennar. Með aðalhlutverk fara: Þorbjörg Helga Þorgilsdóttir Dýrfjörð, Nína Dögg Filippusdóttir, Unnur Ösp Stefánsdóttir, Kristbjörg Kjeld og Halldóra Geirharðsdóttir. Framleiðsla: Mystery Productions. Þættirnir eru ekki við hæfi barna yngri en 12 ára. e.