Krúttlegir teiknimyndaþættir um litla hafbúa sem eru saman í bekk og elska að syngja og dansa. Kennarinn þeirra er hress gullfiskur sem kennir þeim ýmislegt um lífið og tilveruna. e.

Fjólublái fíllinn Fílsi lærir ýmislegt um allskonar mismunandi vélar.

Lærið um tölustafina með Tölukubbunum!

Friðþjófur forvitni er forvitinn og yndislegur api sem getur oft á tíðum verið full ævintýragjarn. Fylgjumst með ævintýrum hans og mannsins með gula hattinn eiganda hans.

Stærðfræðiofurhetjurnar Millý, Geó og Bó hjálpa krökkum að læra um tölur, form og mynstur. e.

Elías er ungur og áhugasamur björgunarbátur. Hann er ósvífinn, fjörugur og mikils metinn í heimabæ sínum. Vinir Elíasar skipta honum öllu máli og leggur hann í hvaða ævintýri sem er til þess að bjarga vinum sínum úr ógöngum. e.

Fallegir teiknimyndaþættir um óvenjulega vináttu bjarnarins Ernests og músarinnar Célestine. e.

Fjörugir þættir um sjóræningjastelpuna Rán og Sævar sem flýgur sinni eigin sjóflugvél. e.

Glænýir þættir um óteljandi ævintýri Strumpanna og Kjartans galdrakarls sem fara hér á kostum í Strumpabæ.

Glæný sería þar sem Róbert og hvolparnir mæta nýjum áskorunum og sanna enn og aftur að ekkert verkefni er of stórt fyrir litla hvolpa

Fjörugir teiknimyndaþættir um ref, tvö villisvín og fugl sem eru orðin þreytt á að lifa villt í náttúrunni og verða sér úti um búninga til að dulbúast sem venjuleg gæludýr. e.

Hvernig ætli sumir hlutir sem við erum mjög vön hafi verið fundnir upp? Stórfurðulegu steinaldarmennirnir sýna okkur sínar misheppnuðu tilraunir. e.

Vandaðir heimildaþættir frá BBC. David Attenborough fer með áhorfandann í ferðalag og sýnir furðuverur í náttúrunni.

Fyrsta þáttaröð Með okkar augum, þar sem fólk með þroskahömlun skoðar málefni líðandi stundar með sínum augum og spyr þeirra spurninga sem því eru hugleiknastar hverju sinni. Dagskrárgerð: Elín Sveinsdóttir.

Danskir heimildarþættir með Game of Thrones-stjörnunni Nikolaj Coster-Waldau sem leiðir áhorfendur í gegnum ógleymanlegt sjónarspil á ferðalagi um Grænland.

Þáttaröð um íslenska tónlist í umsjón Sigtryggs Baldurssonar. Honum til halds og trausts eru Guðmundur Kristinn Jónsson og Bragi Valdimar Skúlason. Farið er um víðan völl íslensku tónlistarsenunnar og þekktir tónlistarmenn fengnir til að vinna nýtt efni fyrir þættina.

Þáttaröð um eyðibýli á Íslandi. Þar sem á árum áður voru reisulegir sveitabæir með iðandi mannlífi standa nú húsin tóm. Rætt er um byggingu bæjanna og talað við fólk sem tengist stöðunum á einn eða annan hátt. Farið er í Suðurhús í Suðursveit, Hamra á Mýrum, Múlakot í Fljótshlíð, Öxney á Breiðafirði, Heiði á Langanesi og Vatnshorn í Skorradal. Umsjónamaður er Guðni Kolbeinsson og dagskrárgerð annaðist Björn Emilsson.

Þáttur frá 2011 um Ásgeir Sandholt sem fór til Parísar á heimsmeistaramót í súkkulaðikúnst. Umsjón: Sigurlaug Jónasdóttir. Dagskrárgerð: Janus Bragi Jakobsson.

Kveikur er fréttaskýringaþáttur þar sem áhersla er lögð á rannsóknarblaðamennsku og almennar fréttaskýringar. Ritstjórn og dagskrárgerð: Ingólfur Bjarni Sigfússon, Arnar Þórisson, Bjarni Einarsson, Ingvar Haukur Guðmundsson, Jóhann Bjarni Kolbeinsson, Karl Newman, Kristín Sigurðardóttir, María Sigrún Hilmarsdóttir og Tryggvi Aðalbjörnsson.

Dóri DNA spjallar við marga af virkustu grínistum landsins og spyr hvort hægt sé að lifa á gríni einu saman. Hver er galdurinn við húmor og þarf maður að æfa sig í fyndni? Gestir Dóra eru meðal annarra Anna Svava, Ari Eldjárn, Bergur Ebbi, Dóra Jóhannsdóttir, Þorsteinn Guðmundsson, Saga Garðarsdóttir, Steindi Jr. og Hugleikur Dagsson. Dagskrárgerð: Gaukur Úlfarsson.

Tónlistarþáttur frá 2013. Íslenskar hljómsveitir og tónlistarmenn flytja lög í myndveri RÚV. Í þáttunum stíga á svið frægir jafnt sem minna þekktir flytjendur. Umsjónarmaður er Ólafur Páll Gunnarsson og upptöku stjórnar Helgi Jóhannesson.

Ferðaþættir þar sem leiðsögumennirnir Brynhildur Ólafsdóttir og Róbert Marshall fara með Íslendinga í margs konar útivistarævintýri í náttúru Íslands. Ýmsir þjóðþekktir einstaklingar fara út fyrir þægindarammann í þáttunum og með fylgja ýmsir fróðleiksmolar og góð ráð um búnað og hegðun úti í náttúrunni. Meðal gesta í þáttunum eru Guðni Th. Jóhannesson, Brynhildur Guðjónsdóttir, Bjarni Benediktsson, Saga Garðarsdóttir, Helgi Seljan, Andri Snær Magnason og Baltasar Kormákur.

Dönsk þáttaröð þar sem prjónaáhrifavaldurinn Lærke Bagger og sjónvarps- og prjónakonan Christine Feldthaus fara til Færeyja, Grænlands, Íslands og Noregs og læra prjónaaðferðir í hverju landi.

Danskur heimildarþáttur um samtímaljósmyndun. Daglega myndum við líf okkar og birtum á Instagram, Facebook og Snapchat. Um leið og gefin eru góð ráð til að bæta ljósmyndatæknina er fylgst með fimm efnilegum ljósmyndurum keppast um titilinn Besta ljósmynd ársins.

Heimildarþáttaröð í fjórum hlutum um samísku systurnar Maxida och Mimie Märak en báðar eru þær virkar í sænsku rappsenunni og berjast jafnframt ötulega fyrir réttindum Sama.

Þáttaröð sem segir frá því hvernig venjulegt fólk getur orðið svikahröppum að bráð. Hvaða eiginleika hafa svikahrappar sem gera það að verkum að gagnrýnin hugsun verður að engu og þeir ná að svindla á okkur?

Litið um öxl yfir 50 ára sögu sjónvarps og fróðleg og skemmtileg augnablik rifjuð upp með myndefni úr Gullkistunni. Kynnir er Jóhanna Vigdís Hjaltadóttir. Dagskrárgerð: Egill Eðvarðsson.

Uppátækjasömu vinirnir Bolli og Bjalla sem búa á skrifborði hins 12 ára gamla Bjarma snúa aftur með skemmtilegasta sjónvarpsþátt veraldar: Stundina okkar. Einnig fáum við að fylgja við Bjarma í skólann og kynnast skemmtilegur skólafélögum hans. Hvort sem það er óhefðbundum íþróttatímum, heimshorna heimilisfræði, skemmtilegri hljómsveitaræfingu eða tilraunir á frítíma. e.

Þrjár stelpur etja kappi með hugann að vopni í hönnunarkeppni. Stílistarnir Nico og Andrés láta þær hafa skemmtileg verkefni í leit að næstu hönnunarstjörnu. e.

Í þáttunum HM30 fjalla þau Dídí og Aron um Heimsmarkmið Sameinuðu þjóðanna um sjálfbæra þróun. Þau taka fyrir eitt markmið í hverjum þætti. Meðal gesta sem koma til þeirra í þættina eru Katrín Jakobsdóttir forsætisráðherra, Guðni Th. Jóhannesson forseti Íslands og Guðlaugur Þór Þórðarson utanríkisráðherra. Við heyrum m.a. sögu Malölu Yousafzai og hvernig hún berst fyrir jafnrétti, kynnumst störfum Norman E. Borlaug sem bjargaði milljónum manns fá hungursneyð og vinnum okkur úr því að vera letihetjur yfir í heimshetjur. Við getum öll gert eitthvað til að gera heiminn að betri stað og leggja okkar að mörkum til þess að við öll náum heimsmarkmiðunum fyrir árið 2030. Við hvetjum alla til að fylgjast með HM30 í vetur. Þættirnir eru unnir í sa

Ásta Lilja og Ronja sýna nokkrar jógaæfingar sem krakkar geta gert heima. Umsjón: Ásta Lilja Víðisdóttir, Ronja Eyglóar-Konráðsdóttir

Hver eru uppáhalds íslensku lögin þín úr ásnum? Í tilefni 40 ára afmælis Rásar 2 geta áhorfendur kosið sitt uppáhald á RUV.is og með því að ná sér í RÚV stjörnur appið.

Helstu fréttir dagsins af innlendum og erlendum vettvangi. Alla daga, árið um kring.

Íþróttafréttir.

Veðurfréttir.

Þáttur um mannlífið í landinu. Landinn leitar uppi skemmtilegt fólk jafnt í borg sem sveit og skoðar áhugaverða staði landshorna á milli. Ritstjóri er Gísli Einarsson. Aðrir umsjónarmenn: Edda Sif Pálsdóttir, Hafsteinn Vilhelmsson, Sigrún Þuríður Runólfsdóttir og Þórdís Claessen. Dagskrárgerð: Magnús Atli Magnússon, Jóhannes Jónsson, Björgvin Kolbeinsson og Elfar Örn Egilsson.

Önnur þáttaröð íslensku heimildarþáttanna þar sem við heyrum einstakar sögur fólks sem hefur látið gott af sér leiða á óeigingjarnan hátt í gegnum starf sitt eða daglegt líf. Í hverjum þætti eru sagðar sögur tveggja einstaklinga sem hafa lagt sig fram við að bæta og efla samfélagið á jákvæðan hátt. Umsjón: Viktoría Hermannsdóttir.

Íslensk heimildarmynd frá 2023 í leikstjórn Arnars Þórissonar. Fylgst er með Kristni Guðnasyni fjallkóngi og gangnamönnum í leitum á Landmannaafrétti. Gefin er raunsönn mynd af leitum og samspili manna, dýra og náttúru með augum fjallkóngsins. Framleiðendur: Áslaug Pálsdóttir og Guðrún Hergils Valdimarsdóttir. Klipping: Jakob Halldórsson. Tónlist: Úlfur Eldjárn. Hljóð og hljóðhönnun: Pétur Einarsson.

Nýir danskir dramaþættir. Fjórir fangaverðir neyðast til að gera róttækar breytingar innan fangelsisins til að koma í veg fyrir að því verði lokað og þau missi vinnuna. Breytingarnar fela í sér upprætingu valdaójafnvægis og stéttaskiptingu fanganna, en þeir eru í rauninni við stjórnvölinn í fangelsinu. Aðalhlutverk: David Dencik, Sofie Gråbøl, Bjarne Henriksen og Charlotte Fich. Þættirnir eru ekki við hæfi barna yngri en 12 ára.

Upptaka frá sumartónleikum Vínarfilharmóníunnar sem haldnir voru í Schönbrunn-hallargarðinum í Vínarborg 8. júní síðastliðinn. Stjórnandi er Yannick Nézet-Séguin. Óperusöngkonan El?na Garan?a syngur. Áhersla er lögð á verk franskra tónskálda allt frá rómantísku stefnunni til impressjónismans.