Smástund hentar vel fyrir þau allra yngstu, í hverjum þætti lærum við orð, liti, tölur og tónlist. Dagskrárgerð: Agnes Wild. Tónlist: Sigrún Harðardóttir.

Teiknimyndaþættir fyrir börn byggðir á samnefndri breskri barnabók frá árinu 1994 eftir Sam McBratney, með myndskreytingum eftir Anitu Jeram. Bókin hefur verið gefin út á yfir 53 tungumálum og selst í yfir 28 milljónum eintaka.

Marri leirkall og vinir hans eru afar uppátækjasamir og í þessum þáttum lenda þeir í háskalegum ævintýrum þar sem þeir búa. Heimkynni þeirra eru fremur óvenjuleg, en þeir búa á borðplötu.

Ævintýri Bursta og vina hans. Bursti er forvitinn og þrjóskur broddgöltur sem býr þar sem litlir hlutir eru stórir.

Gamansamir þættir um strútapabbann Edda og áttburana hans. Eddi strútapabbi er fullkomnunarsinni og reynir að gera allt sem í hans valdi stendur til að vernda áttburana sína. Hann á fullt í fangi með það, enda eru ævintýrin hjá stórri fjölskyldu mörg og ímyndunaraflið mikið. Eddi strútapabbi er hræddur um að börnin hans muni elska vélmenna-barnfóstruna meira en sig. Hann verður að stoppa vélmennið áður en það gerist.

Rán er ung og hress stelpa sem styttir sér stundir með ímynduðu vinkonu sinni. En hún Rún virðist raunverulegri en flestir.

Krúttlegir og vinalegir þættir fyrir þau allra yngstu. Molang er búttaður lítill „kanínugrís“. Hún er sérvitur, glaðvær og áhugasöm. Besti vinur hennar er litli hænuunginn Piu Piu. Molang er kóresk teiknimyndapersóna og afskaplega vinsæl í heimalandinu.

Lalli færir ykkur allan heiminn þegar hann grípur litina sína. Hann er svo flinkur að teikna hann Lalli.

Krúttlegir teiknimyndaþættir um litla hafbúa sem eru saman í bekk og elska að syngja og dansa. Kennarinn þeirra er hress gullfiskur sem kennir þeim ýmislegt um lífið og tilveruna.

Ný sería um hinn vinsæla Bjössa Brunabangsa! Í þessari seríu fylgjumst við með hetjunni Bjössa brunabangsa, sem elskar að keyra slökkviliðsbíl og slökkva elda. Á hverjum einasta degi leysir hann spennandi verkefni með hjálp frá samstarfsfólki sínu.

Lærið um tölustafina með Tölukubbunum!

Emilía uppgötvar að litli rauði hvolpurinn hennar að nafni Kátur hefur vaxið um þrjá metra á einni nóttu.

Jasmín og Jómbi eru góðir vinir sem elska tónlist. Saman njóta þau tónanna sem óma um Hljómbæ.

Þættir um óteljandi ævintýri Strumpanna og Kjartans galdrakarls sem fara hér á kostum í Strumpabæ.

Jöklarnir hafa hopað og allar þjóðsagnaverurnar úr gömlu bókunum eru komnar fram í dagsljósið. Ormhildur og Albert gamli leggja af stað í leiðangur með Guðrúnu og Brynhildi. Þau ætla að fremja galdraseið til að kveða vættirnar aftur inn í jöklana. Allt fer á hliðina þegar Albert er tekinn höndum og hópurinn hrapar í fjallinu. Á ferðalaginu uppgötvar Ormhildur að hún býr yfir leyndum hæfileika og kemst að því að töfraverurnar eru ekki allar þar sem þær eru séðar. Hópurinn uppgötvar að ræningjar hafa látið greipar sópa um þorpið og fólkið sveltur. Brynhildur hvetur það til að berjast. Albert reynir að flýja en skessurnar breyta honum í fisk. Ormhildur og Guðrún halda að þær hafi fundið jeppa til að komast nær eldfjallaeyjunni Heklu en það reynist sjónhverfing. Loks ákveða nágrannaþorpin tvö að vinna saman í staðinn fyrir að berjast.

Krakkarnir fræðast um jafndægur og prófa skemmtilegan jafnvægisleik. Fret kvartar yfir birtunni en Máni reynir að útskýra hvað jafndægur eru. Áður en nokkur áttar sig fer Fret með Mána í óvænt ferðalag.

Valin myndskeið úr Landanum þar sem áhugaverðir staðir eru skoðaðir og merkilegir Íslendingar heimsóttir. Ritstjórn: Gísli Einarsson.

Útsendingar frá Vetrarólympíumóti fatlaðra í Mílanó og Cortina á Ítalíu. Keppni í snjóbrettaati á Vetrarólympíumóti fatlaðra í Mílanó og Cortina á Ítalíu.

Útsendingar frá Vetrarólympíumóti fatlaðra í Mílanó og Cortina á Ítalíu. Keppni í 12.5 km skíðaskotfimi á Vetrarólympíumóti fatlaðra í Mílanó og Cortina á Ítalíu.

Finnskir þættir þar sem viðmælendur, sem allir eru um og yfir 100 ára, ræða um lífið og dauðann, ástina, gleðina, sorgina og tilganginn með lífinu.

Þáttur sem er löngu orðinn ómissandi í bókmenntaumræðunni í landinu. Egill og bókelskir félagar hans fjalla sem fyrr um forvitnilegar bækur af ýmsum toga og úr öllum áttum. Umsjón: Egill Helgason. Dagskrárgerð: Jón Víðir Hauksson. Við fjöllum um gagnmerkt sagnfræðirit sem nefnist Berklar á Íslandi. Höfundurinn er Erla Dóris Halldórsdóttir, en þarna rekur hún sögu þessa skæða sjúkdóms sem var faraldur á fyrri hluta síðustu aldar og grandaði að talið er 6000 Íslendingum, mest ungu fólki. Hildur Knútsdóttir segir okkur frá nýrri hrollvekju sinni sem nefnist Irpa og gerist á eyju fyrir austan land. Rithöfundurinn María Elísabet Bragadóttir ræðir við okkur um uppáhaldsbækurnar sínar. Í Bókum og stöðum förum víð í Steingrímsfjörð og Bjarnarfjörð og verður þar meðal annars á vegi okkar fræg ófreskja sem Selkolla nendist. Gagnrýnendur þáttarins fjalla um Ósmann eftir Joachim B. Schmidt, Stúlku með fálka eftir Þórunni Erlu Valdimarsdóttur og Kæra fávita eftir Virginie Despentes.

Nýir heimildarþættir um þróun íslensks táknmáls frá fyrri tíð til dagsins í dag. Skoðað er hvaða samfélagslegu, menningarlegu og málfræðilegu áhrif móta íslenskt táknmál nútímans, hvað felst í vönduðu íslensku táknmáli og hvernig málið stendur í samanburði við önnur táknmál. Hjördís Anna Haraldsdóttir ræðir við fræðimenn og sérfræðinga í íslensku táknmáli auk notenda málsins í leit að ólíkum sjónarhornum og svörum um stöðu og framtíð málsins. Hjördís Anna hittir Kolbrúnu Völkudóttur söngkonu og ræðir stíl og tjáningu í söng á táknmáli. Vilhjálmur Vilhjálmsson segir frá fyrstu táknmálsorðabókinni og norrænu samstarfi um táknmálsorðabók. Berglind Stefánsdóttir útskýrir hvernig ungt fólk og samfélagsmiðlar móta íslenskt táknmál í dag.

Færeyskir matreiðsluþættir þar sem Trándur og Kári elda girnilegar máltíðir.

Umfjallanir um leiki í undankeppni EM kvenna í handbolta. Upphitun fyrir leik Svartfjallalands og Íslands í undankeppni EM kvenna í handbolta.

Leikir í undankeppni EM kvenna í handbolta. Leikur Svartfjallalands og Íslands í undankeppni EM kvenna í handbolta.

Umfjallanir um leiki í undankeppni EM kvenna í handbolta. Uppgjör á leik Svartfjallalands og Íslands í undankeppni EM kvenna í handbolta.

Helstu fréttir dagsins af innlendum og erlendum vettvangi. Alla daga, árið um kring.

Íþróttafréttir.

Veðurfréttir.

Þáttur um mannlífið í landinu. Landinn leitar uppi skemmtilegt fólk í bæjum og sveitum og skoðar áhugaverða staði landshorna á milli. Ritstjóri er Gísli Einarsson. Aðrir umsjónarmenn: Edda Sif Pálsdóttir, Þórdís Claessen, Hafsteinn Vilhelmsson, Amanda Guðrún Bjarnadóttir og Andri Freyr Viðarsson. Dagskrárgerð: Jóhannes Jónsson, Hjalti Stefánsson, Benedikt Nikulás Anes Ketilsson, Björgvin Kolbeinsson og Adelina Antal.

Nýir íslenskir heimildarþættir eftir Láru Zulima Ómarsdóttur. Hvernig er að búa í nánum tengslum við náttúruna? Hvað er það í náttúrunni sem kallar svo sterkt á suma? Lára kynnist viðmælendum sínum og fer með þeim á þeirra uppáhaldsstaði, þar á meðal leynistaði sem fáir þekkja. Hún sýnir svo bandaríska ljósmyndaranum og ævintýramanninum Chris Burkard þessar einstöku náttúrugersemar, en hann sérhæfir sig í ljósmyndun á köldum slóðum. Framleiðsla: Zulima ehf. Halldór Kristjánsson býr á bænum Stíflisdal í Bláskógabyggð. Þar setur tilkomumikill fjallahringur svip á landslagið og fossar, gil, vötn og ár prýða jörðina. Halldór segir frá lífinu í sveitinni og sýnir okkur perlurnar í nágrenninu. Lára fer einnig með bandaríska ljósmyndarann og ævintýramanninn Chris Burkard um sveitina.

Leikin þáttaröð frá 2024 byggð á samnefndri skáldsögu eftir Alexandre Dumas. Sjómaðurinn Edmond Dantè er svikinn af þremur mönnum og ranglega fangelsaður á eyju við strendur Marseille. Mörgum árum síðar tekst honum að flýja fangelsið og leitar uppi fjársjóð sem samfangi hans sagði honum frá. Hann hefur nýtt líf undir dulnefninu greifinn af Monte Cristo og er staðráðinn í að ná fram hefndum á mönnunum sem sviku hann. Aðalhlutverk: Sam Claflin, Mikkel Boe Følsgaard og Ana Girardot. Þættirnir eru ekki við hæfi barna yngri en 12 ára.

Óskarsverðlaunamynd frá 2023 í leikstjórn Jonathans Glazer. Rudolf Höss, yfirmaður í Auschwitz, og eiginkona hans, Hedwig, leitast við að byggja upp draumalíf fyrir fjölskyldu sína í húsi við hlið útrýmingarbúðanna. Aðalhlutverk: Christian Friedel, Sandra Hüller og Johann Karthaus. Myndin er ekki við hæfi barna yngri en 12 ára.

Fjallað er um Íslendinga sem settu svip sinn á íslenskt samfélag um sína daga með margvíslegum hætti. Þættirnir spegla jafnframt sögu þjóðarinnar og samtíð á ýmsum tímum, menningu, listir, stjórnmál og fleira. Þeir eru byggðir á efni úr safni RÚV á nærfellt hálfrar aldar tímabili. Dagskrárgerð: Andrés Indriðason.